Хамтад нь хэрэглэвэл илүү шим тэжээлтэй хүнсний бүтээгдэхүүн

Төрөл бүрийн хүнсний ногоо, жимсийг витамин, амин хүчил, хүний биед ашиг тустай эрдэс бодисоор баялаг гэдгийг бид мэддэг ч чухам ямар бүтээгдэхүүнүүдийг хамтад нь идсэнээр илүү их шим тэжээлийг авч болохыг бид төдийлөн сайн мэддэггүй юм. Ингээд өнөөдрийнхөө нийтлэлээрээ энэ талаарх товчхон мэдээллийг та бүхэндээ хүргэхээр бэлтгэлээ. 

Авокадо ба лууван

Залуу сайхан арьс, тунгалаг хархан нүдийг хүсдэг хэн бүхэнд хэрэгтэй бета-каротиныг өөртөө агуулдаг лууванг өөх тосны агууламжтай авокадо жимстэй хольж идээрэй.

Гүзээлзгэнэ ба газрын самрын нухаш

Дархлааг сайжруулж, хоол боловсруулалтыг дэмждэг витамин С-г агуулдаг гүзээлзгэнэ жимсийг нүдний хараанд онцгой тустай витамин Е-гийн агууламж өндөртэй газрын самрын нухаштай хамтад нь идэх хэрэгтэй.

Броколли байцаа ба гич

Брокколи байцаа нь хорт хавдараас сэргийлж, тархины үйл ажиллагаанд тустай хэдий ч жигнэж юмуу хуурах үед хамаг ашигтай витаминаа алддаг ажээ. Хоол зүйчдийн зөвлөж байгаагаар уг байцааг гич буюу горчицатай хамт идвэл илүү үр дүнтэй гэжээ.

Кофе ба сахар

"Human Psychopharmacology: Clinical and Experimental"- сэтгүүлд хэвлэгдсэн нэгэн судалгаагаар кофег сахартай уух нь анхаарлыг сайжруулаад зогсохгүй тархины үйл ажиллагааг сайн сэргээдэг тухай нийтлэгджээ.

Банана ба сүү

Хэрэв та ходоод гэдэсний асуудалтай бол "шар" жимсийг идээрэй. Банана нь хоол боловсруулах системд ашигтай бактерийг бий болгодог бол сүү нь кальциар баялаг учраас хүний ясанд сайн нөлөөтэй юм. Өглөөнийхөө цайнд сүүтэй овьёосыг хувааж зүссэн бананатай цуг идэхийг санал болгож байна.

Ногоон цай ба алим

Ногоон цай болон алиманд агуулагддаг химийн ашигтай нэгдлүүд нь цусны ялтасыг бөөгнөрөхөөс сэргийлдэг тул оройн хоолныхоо дараа идэж байвал илүү тохиромжтой юм. Цусны ялтас бөөгнөрөх нь цусанд бүлэн үүсч, улмаар зүрхний шигдээс болоход хүргэдэг ажээ.

Сонгино ба талх

Маргааш өглөөний цайндаа бүхэл үрийн талхтай цөцгийн тос, маслонд сонгино шарж идээрэй. Сонгинод дархлааны системийг сайжруулж, шарх эдгээх үйлдэлтэй химийн нэгдэлүүд агуулагдаж байдаг юм.

Гэрийн хэ хуучирч муудсан дулааны паарийг чимэглэх санаанууд

Өвлийн хүйтэн өдрүүдэд дулааны шугам биднийг аварна. Тиймээс нэгдсэн дулаан түгээх шугам яриангүй хэрэгтэй зүйл. Гэхдээ орон байраа засаж чимэглэх тэр үед нөгөө л хуучны паар гутааж эхлэхийг бас яалтай билээ.
Тэр паарыг одоо хааш нь нуух вэ? Хичнээн орчин үеийнх байлаа гээд өрөөний өнгө төрхийг гутаана…

Ихэнх тохиолдолд хүүхдийн өрөөний паарыг яахаа мэддэггүй, яагаад гэвэл хүүхдүүд гүйж тоглож байхдаа паар мөргөж гэмтэх эрсдэл ихтэй байдаг.
Орчин үеийн паарнууд нь хай-тек эсвэл минимализмын шинэ чанартай байх тул асуудлыг шийдэхэд хамаагүй амар болно. Харин орос ах нарын ширмэн паарыг нуухад ажил их орно доо. Хүйтэнд дулаацуулах чанарт нь нөлөөлөхгүйгээр паараа хэрхэн далдлан нуух вэ?

Паарыг хэрхэн далдлан нуух вэ?

Та бүхэндээ арзгар паарыг нуухын зэрэгцээ гэрээ чимэглэх шилдэг 14 санааг танилцуулах гэж байна. Одоо гэрийнхээ паарыг хараад сэтгэлийн таашаал авдаг болно оо.
1. Хамгийн энгийн арга бол – паараа будах. Халуун хэмд тэсвэртэй тусгай будаг сонгоорой. Тасалгааныхаа интерьер загварт тохируулж өнгийг сонгоно. Орчин үеийн алюмен паарыг будахад илүү тохиромжтой. Ширмэн паарыг будахад илүү том харагдаад байдаг талтай.
Гэхдээ өөр өөр өнгөөр будчихвал өөр хэрэг! Ялангуяа хүүхдийн эсвэл гал тогооны өрөөний паарыг өнгөөр ялгаж будаарай. Хэрвээ уран зургийн төсөөлөл арвин бол чимэглэл зурж ч болно.

2. Бас нэгэн сайхан санаа. Хэрэгжүүлэхийн тулд хэдэн боодол олс бас 3 цагийн уйгагүй хөдөлмөр, тэвчээр шаардана.

3. Хөвөн даавуун хөшгөөр паараа нууж болно. Гэхдээ өрөөнийхөө зохион байгуулалтыг мөн анхаарах хэрэгтэй.
Хөшигний өнгө нь ханын цаастайгаа төстэй байвал илүү зохимжтой, паарны хөшгийг зангуугаар нааж болно. Бас нэгэн хувилбар бол жалюз хөшиг.

4. Харин энэ санаа бол нэг сумаар гурван туулай буудаж байгаатай л адил. Паараа нуугаад ном унших сайхан булантай болчихлоо.

5. Бас тусгай торны цаана нууж болно. Ийм торыг ямар ч материалаар хийж болохоос гадна өөрийн хүссэн хэлбэр дүрс, дизайнаар гаргана.

6. Хавтгай паарыг амрах булан эсвэл гэрээ чимэглэх зориулалтаар ашиглаарай.

7. Энэ арга ямар санагдаж байна?

8. Зузаан шилэн хаалт нь бүдүүлэг гээд байгаа паарыг тань нууна. Гоёмсог төдийгүй загварлаг харагдаж байгаа биз?
Зузаан шилэн хаалтыг тусгай боолтоор тогтоох бөгөөд паарны зөвхөн нүүр талыг л далдална гэдгийг анхаарна уу.

9. Бас нэгэн сонирхолтой санаа – торон хаалгатай тумбо. Хэрэглээ ихтэй байгаа биз?

10. Паарыг төмөр нимгэн сараалжаар далдалж болно. Ихэвчлэн цонхны тавцны доор байрлах ширмэн пааранд ашигладаг. Сараалжийг суулгахад элдэв ур чадвар шаардахгүй – пааран дээрээ “тохоход” л хангалттай.

11. Хүүхдийн өрөөний паарыг нуух бас нэг сайхан арга.

12. Паар нуух материал сонгохдоо зөвхөн дизайн талаас нь харж болохгүй. Өндөр халуунд тэсвэртэй материал байх ёстойг юуны түрүүнд анхаарна уу.

13. Бас нэгэн сайхан санаа: гүйдэг хаалгаар далдлагджээ. Гоёмсог бөгөөд цэвэрхэн загвар.

14. Эцэс сүүлд нь – урлагийн бүтээл. Жирийн салфетк болон ПВА цавууны тусламжтайгаар паараа чимэглэж болно. Үнэтэй багаж хэрэгсэл, өндөр ур чадвар шаардахгүй – та өөрөө гэрээ чимээрэй.
Тохирох салфетк аваад өөрийн хүссэн хээ хуараа хайчилж бэлдээд паарандаа наана. Дээрээс нь халуунд тэсвэртэй тусгай лакаар будчих.

Зөвлөгөө

Паараа хэрхэн нуух вэ гэж бодож байхдаа зөвхөн гоёж чимэглэх талаас нь бус бас хэрэглээ талаас нь бодож үзэх хэрэгтэй. Хичнээн хээнцэр боллоо ч гэсэн үндсэн үүргээ (тасалгааны агаарыг дулаацуулах) гүйцэтгэж чадахгүй бол паар байх утгаа алдана.

Та паараа яаж далдалж нуусан бэ? Сэтгэгдэл хэсгээр туршлагаа хуваалцвал бид баярлах болно. Мөн найз нөхөдтэйгөө уг нийтлэлийг хуваалцахаа битгий мартаарай.

Гарын доорх материалаар гэрээ тохижуулах хялбар аргууд

Гэрээ тохижуулмаар санагдавч санхүүгийн асуудал, завгүй байх гэх мэт тохиолдлууд тантай тулгарч байсан уу? Тэгвэл бид танд гэрээ хэрхэн хялбар, хямд аргаар тохижуулж болох талаар хүргэе. Танд хэрэг болно гэдэгт итгэлтэй байна.

1. Цэцгийн сонирхолтой модон сав

2. Дуртай аягаа хүссэн өнгө, загвартай болгох арга.

3. Картон цаасаар хийсэн жааз.

4. Хэтэрхий урт цахилгааны утсыг орчин үеийн хэв маягтай болгож болно.

5. Чулуугаар хийсэн шал.

6. Цахилгааны утас, цэнэглэгч, залгуурыг бүгдийг нь хайрцган дотор нууж болно.

7. Гал тогооны хэрэгсэл хийх сав.

8. Гэр бүлийн зурганд зориулсан өвөрмөц жааз.

9. Салфеткаар хийсэн гэрлийн бүрхүүл.

Таны мэдлэгийн хүрээг тэлэх сонирхолтой баримтууд

Шинжлэх ухааныг та уйтгартай гэж бодож байна уу? Саяхан эрдэмтэд кокосын усыг судсанд хийж, харин Мона Лизаг хөмсөгтэй байсан болохыг батлажээ. Энэ дэлхий биднийг гайхшруулж дуусахгүй бололтой. Ингээд шинжлэх ухаанаар батлагдсан сонирхолтой баримтуудтай танилцацгаая.

1. Ертөнцийн хамгийн хүйтэн газар Дэлхийд байдаг. Финляндын эрдэмтэд лазерын тусламжтайгаар атомыг хөлдөөсөн байна. Ингэхэд атом бүрийн молекулууд зогсонги байдалд орсон буюу абсолют тэг температурт хүрч молекулууд хөлдсөн юм.
2. Хэрвээ атомын бүх хоосон зайг хурааж чадвал хүн төрөлхтөн алиман дотор багтах байсан.
3. Бөөрөлзгөнөд амт оруулдаг бодис дэлхий даяар тархсан байдаг. Хэрвээ та дэлхийг амтлаж үзвэл дэлхий бөөрөлзгөний амттай байх болно.

4. Дэлхийн хамгийн халтиргаатай зүйлсийн нэг нь өвдөгний өөх юм.
5. Дэлхийн хамгийн том биет нь  АНУ-ын Орегон мужийн Малурт байрлах Armillaria ostoyae төрлийн мөөг юм. Энэхүү мөөг нийт 880 га талбай эзэлдэг бөгөөд 2,4 мянган настай гэнэ.

6. Кальмар загасны тархи нь дундаа нүхтэй цагираг хэлбэртэй байдаг. Учир нь хоол нь тархиараа дамжих ёстой бөгөөд том хоол залгих үед тархийг гэмтээдэггүй байна.
7. Бөөс нь сансрын пуужингаас илүү хурдан гүйж чадна. Тэр нэг миллсекундэд  8см-ийн өндөр үсэрдэг бөгөөд түүний хурд нь сансрын пуужингаас 50 дахин их гэнэ.

8. Хүний уушгины талбай теннисний талбайтай ижил.
9. Эрэгтэй, эмэгтэй хүүхэд төрүүлэх нь ааваас нь шалтгаална. Олон эгчтэй эрчүүд эмэгтэй хүүхэдтэй болдог бол олон ахтай эрчүүд эрэгтэй хүүхэдтэй болох нь элбэг.
10. Халуун орны "Archerfish" хэмээх загас нь хүний царайг ялгаж харж чадна. Энэхүү судалгааг Оксфордын их сургуулийнхан батласан байна.
11. Эйфелийн цамхагийн өндөр нь улирлаас шалтгаалж өөрчлөгддөг байна.  Халуун үед металл өргөсдөг учир зуны улиралд цамхагийн өндөр 15см-ээр нэмэгддэг.

12. Тайландын загас болох "Cryptotora thamicola" нь хадаар авирч чадна. Энэ нь явж чаддаг дэлхий дээрхи цорын ганц загас юм. Ташааны хөгжил сайтай бөгөөд сэлүүрээ хөл болгон ашигладаг байна.
13. Урлаг судлаач Паскаль Котт Мона Лизаг тусгай төхөөрөмжөөр судалсан бөгөөд  түүнийг хөмсөгтэй болохыг батлажээ. Да Винчи хөмсгийг нь уран зургийн лакан дээр зурсан учир он цаг өнгөрөх тусам өнгө нь арилсан байна. Үүнээс гадна хамгийн анх Мона Лизагийн нүүр өргөн байсан бөгөөд тэнгэр нь цэлмэг байсан гэнэ.

14. Эрэгтэй Шимпанзе нарын дунд гарсан маргааныг зөвхөн нөхөрлөл л таслан зогсоож чаддаг байна. Хэрвээ сармагчингууд найзуудтайгаа  зодолдвол гэмтэл багатай байдаг болохыг эрдэмтэд батлажээ.
15. Ажил хийхийн тулд таны тархинд 10-ваттын гэрэлд шаардлагатай эрч хүч хэрэгтэй.
16. Байнга кофе уух нь таны хөхний хэмжээг багасгах бөгөөд та өдөрт 3 аяга кофе уудаг бол энэ танд хамаатай. Эмэгтэй хүний хөх өөхнөөс тогтдог учир кофены өөх хайлуулах үйлчилгээний улмаас өөрчлөгддөг хэмээн үздэг байна.

Урд шилэн дээрээ бүтээлэг тавих хэрэггүй

Гадаа машинаа тавьдаг ихэнх жолооч өглөө цантахаас сэргийлэн урд шилэн дээрээ даавуу тавьж хаалганд нь хавчуулсан байдаг. Ингэснээр даавуу нь хаалганы жийрэг резинийг дарж битүүмжийг муутгачихдаг. Үүний оронд гэрлүүгээ ойртоод ирхээрээ паараа унтраах эсвэл зогсоолд зогссоны дараа хаалгаа дэлгэж халуун агаарыг гаргахад л асуудал шийдэгдэнэ.

Найз залуу, нөхөр тань таныг хайрлахаа больсоныг илтгэх шинж

"Act Like a Lady, Think Like a Man" номын зохиогч Стийв Харвигийн (Steve Harvey) хэлсэнээр бол "Эрэгтэй хүн хайртай бүсгүйгээ гурван хэлбэрээр хайрладаг. Үнэхээр хайртай бол олон нийтийн газарт хамт байхдаа өөрийнхөө эрхийг зарлан тунхаглан, муу зүйлсээс хамгаалж, асран халамжилдаг" ажээ. Мэдээж хэрэг орчин үед эмэгтэй хүн бүрийг хамгаалж, бүх зүйлсээр нь хангах шаардлагагүй болсон хэдий ч бүсгүй хүн бүрт хайр, халамж хэрэгтэй нь маргашгүй үнэн билээ. Ингээд энэ удаагийнхаа нийтлэлээрээ эрэгтэй хүн өөрийнхөө найз охин, эхнэртээ хайргүй болсон тохиолдолд ямар шинжүүдийг гаргаж байдагтай танилцья.

  1 Таны сул талуудыг найзууддаа ярина

Эмэгтэй хүн найз залуу, нөхрийнхөө дутагдалтай, сул тал, харилцаанд нь үүсээд байгаа нарийн ширийн бүхнийг найз бүсгүйчүүлтэйгээ ярилцан зөвлөлддөг бол эрчүүд энэ бүхнээ зөвхөн дотроо л хадгалдагаараа онцлогтой юм. Эрэгтэй хүн эмэгтэй хүнд жинхэнээсээ хайртай болсон бол түүнийхээ зөвхөн сайн сайхан талуудыг л олж хардаг болохыг судлаачид тогтоосон байдаг. Хэрэв таны хайрт таны сул талыг найзууддаа тоочин, тоглоом наргиа хийж суугаа бол энэ нь таныг хайрлахаа больсныг илтгэж байгаа хэрэг гэдгийг санаарай. 

2 Таны зуршлуудыг доош нь чихнэ

Бүсгүйчүүд бид заримдаа угаалгын өрөөндөө ороод 2 цаг алга болж, утсаар өдөржингөө ярьж, хэрэгтэй хэрэггүй баахан хувцасаар шүүгээгээ дүүргэн, хайртынхаа тавагтай хоолноос нэг халбагадаж, өдөржингөө нэг дуугаа амандаа аялдаг. Танд хайртай залуу таны бүх зуршлыг байгаа чигээр нь хүлээн авдаг бол таныг хайрлахаа больсон нэгэн үйлдэл бүхнийг чинь зааж зааварладаг, уурлаж уцаарласан нэгэн болж хувирдаг байна. 

3 Таны яриаг анхааралтай сонсдоггүй

Эрдэмтэд эрэгтэй хүн эмэгтэй хүний яриаг ердөө 6 минутын турш л анхааралтай сонсч чаддаг болохыг баталсан байдаг. Үүнээс хойш та хайрттайгаа чухал зүйл ярихдаа тойруулалгүйгээр шуудхан ярихыг хичээгээрэй. Эрэгтэй хүмүүс танихгүй хүн, дэлгүүр хоршоо, хувцас загвар болон хоолны дэглэмийн тухай яриаг сонсохдоо тааруухан байдаг ажээ. Ийм учраас болж өгвөл найзуудтайгаа эдгээр сэдвээр ярьж байвал зүгээр шүү. Танд үнэхээр хайртай залуу таныг ямар ч утгагүй, өөрт нь холбогдолгүй зүйлийн тухай ярьсан бай анхааралтай сонсч өгдөг бол таныг юман чинээ тоодоггүй хүн таныг ямар ч чухал зүйлийн тухай ярьсан танд анхаарал хандуулахгүй ээ. 

4 Сэтгэл санааг чинь ямар байгааг огтхон ч анзаардаггүй

Эрэгтэй хүн төрөлхөөсөө эмэгтэй хүний нулимсыг тэвчих чадвар муутай байдаг тул бүсгүй та болж өгвөл нулимсаа үзүүлэхгүйг хичээгээрэй. Тэр танд үнэхээр хайртай  бол таны сэтгэл санааны байдлыг өдөр тутамдаа асууж мэдэн, анхаарал халамж тавьж, таныг баяр хөөртэй болгохын тулд бүхнийг хийдэг бол таныг чухалчлан үздэггүй, таныг хайрладаггүй залуу таныг уйлж байсан ч аргадахгүй. Харин ч бүр уурлаж уцаарлаж мэднэ. 

5 Түүнийг өдөхөд хариу үйлдэл үзүүлдэггүй

Хосууд хамтдаа хэдэн жилийг өнгөрүүлсэний дараагаар бүх зүйл нэгэн хэвийн болж ирдэг бөгөөд энэ үед бие биенээ өдөх нь тэдний харилцааны "чимэг" болж өгдөг юм. Сахилгагүйтэж авахуулсан фото зураг, өдсөн халуухан мессежүүд нь та хоёрын харилцааг анх танилцаж байсан тэр сайхан үе рүү эргүүлэн аваачих болно. Гэхдээ хамгийн гол нь нэг нь биш хоёулаа энэ тал дээр идэвхитэй байх ёстой билээ. Бүсгүй таныг олон янзын позоор арваад ширхэг халуухан зураг авахуулж явуулаад байхад хайрт чинь ямар ч хариу үйлдэл үзүүлэхгүй байгаа бол энэ нь та хоёрын харилцаа аюулд орсны дохио мөн. 

6 Таны хүсэлтийг хүлээж авдаггүй

Эрэгтэй хүний хувьд хайртай бүсгүйнх нь гуйлт, хүсэлт хамгаас чухал байдаг бөгөөд хайртай бүсгүйдээ өөрийгөө ямар гайхалтай, ухаалаг, хүч чадалтай болохыг харуулж бишрүүлэхийг битүүхэндээ хүсч явдаг ажээ. Харин танд хайргүй болсон бол гэрлийн ламп солиод өгөөч гэсэн хүсэлтийг чинь хүртэл уур цухалтайгаар хүлээж авах болно. Арай таны хайрт өөр хэн нэгэн эмэгтэйн хүсэлт, гуйлтыг баяртайгаар биелүүлдэг юм биш биз???

7 Таныг хардахаа больсон

Хайртай бол хартай гэлцдэг. Энэ нь ч үнэний ортой үг ажээ. Эрчүүд өөрийнхөө хайрлаж, татагддаг бүсгүйгээ бусад эрчүүдээс харамлаж, түүнийхээ бүхий л зүйлийг зөвхөн өөрийнх нь байгаасай хэмээн хүсдэг байна. Хэрэв таны найз залуу, нөхөр таныг огтхон ч хардахаа больсон бол тэр таныг хэдийнэ хайхрахаа больжээ хэмээн ойлгож болно. 

8 Таныг аюул ослоос хамгаалдаггүй

Эрэгтэй хүний үндсэн хэрэгцээ нь эмэгтэйгээ хамгаалах байдаг шиг эмэгтэй хүний үндсэн хэрэгцээ нь хайртай хүнээрээ хамгаалуулах байдаг. Хэдийгээр орчин үед эрчүүд өөрийн бүсгүйгээ зэрлэг ан амьтан, бусад омгийн дайралтаас хамгаалах шаардлагагүй болсон ч ядаж орой үдшийн цагаар ажлаа тарахад нь очоод авчихаж байх ёстой билээ. Хэрэв таны хайртай залуу таныг ямар ч нөхцөл байдлаас хамгаалдаггүй бол ийм залуутай хамт байх хэрэг үнэхээр байгаа эсэхийг сайтар бодож үзээрэй. 

9 Гадаад байдлыг чинь шүүмжилнэ

Алдарт яруу найрагч Омар Хайям "Хүн хайртай хүнийхээ алдаа дутагдлыг анзаардаггүй бол дургүй хүнийхээ сайн талд ч зэвүүцдэг" гэж хэлсэн байдаг. Энэ ч үнэхээр үнэн ажээ. Найз залуу, нөхөр тань танд үнэхээр хайртай бол таныг сэгсийсэн үстэй, томдсон цамцтай байхад ч хайрласаар л байх болно. Өөрөөр хэлбэл та л өөрөө хэлэхгүй бол таны хайрт таны дутагдал, хэдэн кг таргалсаныг огтхон ч анзаарахгүй гэсэн үг юм. Харин танд хайргүй болсон бол таныг яаж ч сайхан харагдлаа гэсэн  хэзээ ч үнэлэхгүй ээ. 

10 Сайхан үг, тэврэлтийг мартаад удсан

Халуун дулаан үг, үнсэлт, тэврэлт зэрэг нь хосуудын хайрын хэл байдаг билээ. Бид хайртай хүнээ "Хайрт минь", "Хонгор минь", "Миний хайраа" хэмээн дуудахад зүрхэнд баяр хөөр оргилж, эргэн тойронд халуун дулаан уур амьсгал бий болдог. АНУ-ын эрдэмтэд 1000 хосыг оролцуулан судалгаа хийсэн бөгөөд бие биенээ сайхан үгээр энхрийлэн дууддаг хосууд дууддаггүй хосуудаасаа 3 дахин их аз жаргалтай байдаг нь тодорхой болсон байна. Таныг "Хайрт минь" гэж дуудан түүнийг тэврэх гэх болгонд хайрт чинь хөмсгөө зангидан уцаарладаг бол түүний таныг гэсэн хайр дууссан байж мэдэх юм.